Durrës – Një aksident rrugor është regjistruar gjatë orëve të natës në zonën e ish-Kënetës, ku një motor me dy persona ka dalë nga rruga dhe ka përfunduar në një kanal anësor.

Si pasojë e përplasjes, njëri prej personave që udhëtonte me motor ka mbetur i plagosur dhe është transportuar në spital, ku ka marrë ndihmën e nevojshme mjekësore. Nuk raportohen detaje të tjera për gjendjen e tij shëndetësore.

Ngjarja ka ndodhur në rrugën “Vala e Detit”. Shkaqet e aksidentit nuk janë bërë ende të ditura, ndërsa pritet që autoritetet të kryejnë verifikimet përkatëse për zbardhjen e rrethanave.

Banorë të zonës shprehen se aksidente të ngjashme janë të shpeshta në këtë segment rrugor dhe në zonat pranë kanalit kryesor, duke ngritur shqetësime për mungesën e ndriçimit publik dhe sinjalistikës rrugore.