Kryeministri Edi Rama ka reaguar në rrjetet sociale pas protestës së 37-të qytetare të zhvilluar në Tiranë, duke publikuar një postim ku krahason dy ngjarje që u zhvilluan paralelisht në kryeqytet.

Në postimin e tij, Rama ndau dy fotografi: njëra tregon protestuesit e mbledhur para godinës së Kryeministrisë, ndërsa tjetra qytetarët e grumbulluar në sheshin “Skënderbej” për të ndjekur në ekranin gjigant ndeshjen e Kupës së Botës mes Portugalisë dhe Spanjës.

Përmes këtij postimi, kryeministri vuri në dukje kontrastin mes dy skenave, duke e shoqëruar me vargje nga kënga e tij “Kjo osht Tirona jon”.

“Live nga kryeqyteti i Europës së Ballkanit. Kjo osht Tirona jon, Tirona kontradiktës. E luftës, e paqes, errësirës dhe e dritës. Mashtrimit, të vërtetës, shpifjes, interesit, e qejfit dhe e stresit, ahengut dhe biznesit”, shkroi Rama në rrjetet sociale.

Postimi vjen në përfundim të protestës së mbajtur përpara Kryeministrisë, e cila u pasua nga një marshim në rrugët kryesore të Tiranës.