Protestat kundër kryeministrit Edi Rama vijuan edhe këtë të hënë në Tiranë, duke shënuar ditën e 37-të të tubimeve të organizuara.

Gjatë protestës, një prej pjesëmarrësve bëri thirrje për dorëheqjen e kryeministrit dhe ngriti akuza ndaj qeverisë, duke e cilësuar korrupsionin si arsyen kryesore të pakënaqësisë së tij.

Protestuesi u shpreh se qeveria nuk u përgjigjet nevojave të qytetarëve dhe kritikoi politikat ndaj pensionistëve, duke pretenduar se mbështetja financiare e ofruar është e pamjaftueshme.

"Duhet ta rrëzojmë këtë qeveri. Korrupsioni nuk ka të ndaluar. Ne nuk kemi asgjë. Kjo qeveri ka bërë vetëm korrupsion. Pensionistët i gënjen me 5 mijë lekë. Duhet ta rrëzojmë patjetër. Edi Rama duhet të dorëhiqet. Që të gjithë në PS janë për burg. Nuk janë për ne, por për xhepin e tyre", deklaroi ai.

Protestat kundër qeverisë kanë vijuar në ditët e fundit me pjesëmarrjen e qytetarëve që shprehin pakënaqësi për çështje të ndryshme, ndërsa autoritetet nuk kanë reaguar lidhur me deklaratat e bëra nga protestuesit gjatë tubimit.