DIVJAKË- Një aksident rrugor është regjistruar këtë të diel në aksin Divjakë–Tre Urat, në fshatin Gërmenj, ku dy automjete, një Toyota dhe një Audi, janë përplasur kokë më kokë.

Si pasojë e përplasjes, disa persona kanë mbetur të lënduar, dy prej të cilëve u transportuan me ambulancë drejt Qendrës Shëndetësore të Divjakës për ndihmë mjekësore, ndërsa sipas të dhënave paraprake nuk kanë pësuar dëmtime serioze.

Në vendngjarje ndodhen shërbimet e Policisë Rrugore, të cilat po hetojnë shkaqet e aksidentit dhe po menaxhojnë qarkullimin, i cili është rënduar për shkak të fluksit të pushuesve drejt plazhit të Divjakës. Dyshohet se aksidenti ka ndodhur si pasojë e manovrave të gabuara të drejtuesve të mjeteve