Egjipti ka shkruar historinë në Kupën e Botës, duke siguruar për herë të parë kualifikimin në fazën e 1/8-ve, pas suksesit ndaj Australisë me rezultatin 4-2 në goditjet e penalltive.

Koha e rregullt dhe ajo shtesë u mbyllën në barazim 1-1. Egjiptianët kaluan në avantazh me Ashur, ndërsa Australia riktheu ekuilibrat sajë një autogoli të Hanit.

Fituesi u përcaktua nga pika e bardhë, ku futbollistët egjiptianë u treguan të pagabueshëm, duke shndërruar në gol të katër goditjet e tyre.

Në krahun tjetër, australianët gabuan në dy penallti, duke i dhënë fund rrugëtimit të tyre në turne.

Me këtë fitore, Egjipti siguron një kualifikim historik në raundin e 1/8-ve dhe vijon ëndrrën në Kupën e Botës, ndërsa Australia eliminohet pas një sfide të luftuar deri në goditjet e penalltive.