SHBA – Që prej transferimit te Inter Miami në vitin 2023, Lionel Messi ka ndryshuar jo vetëm fatin e klubit amerikan, por edhe atmosferën sportive në qytetin e Miamit, i cili po konsiderohet gjithnjë e më shumë si "Messi City".

Prania e superyllit argjentinas ka rritur ndjeshëm interesin për futbollin në Shtetet e Bashkuara, ndërsa Miami është shndërruar në një pikë referimi për tifozët e sportit më të ndjekur në botë.

Atmosfera në qytet është elektrizuese edhe për shkak të ndeshjes së Argjentinës ndaj Kepit të Gjelbër në fazën e 1/16-ave të Kupës së Botës. Mijëra tifozë argjentinas kanë mbërritur në Miami, duke mbushur rrugët dhe plazhet me ngjyrat bardhekaltër të kombëtares së tyre.

Edhe pse Miami njihet për plazhet, klimën tropikale dhe jetën turistike, këto ditë qyteti po jeton me ritmin e futbollit. Tifozët e "Albiceleste" kanë krijuar një atmosferë festive, duke treguar mbështetjen e tyre për kampionët në fuqi të botës, të cilët synojnë të vazhdojnë rrugëtimin drejt mbrojtjes së titullit.

Ndikimi i Lionel Messit në futbollin amerikan vijon të rritet, ndërsa prania e tij e ka kthyer Miamin në një nga qendrat më të rëndësishme të futbollit në kontinentin e Amerikës së Veriut.