Massimiliano Allegri është zyrtarisht trajneri i ri i Napolit. Klubi ka konfirmuar emërimin e teknikut italian në krye të pankinës, duke arritur një marrëveshje afatgjatë që do ta mbajë atë të lidhur me napolitanët deri në verën e vitit 2029.

Pas largimit të Antonio Contes, drejtuesit e klubit kanë lëvizur shpejt duke ia besuar timonin një prej trajnerëve më të suksesshëm dhe më me përvojë të futbollit italian. Për Allegrin nis kështu një aventurë e re në Serie A, me objektivin e qartë për ta mbajtur skuadrën në majat e futbollit italian dhe për të pretenduar një ecuri sa më pozitive në arenën europiane.

Me një karrierë të pasur, ku numëron disa tituj kampionë në Itali, Allegri rikthehet në pankinë për të udhëhequr një projekt ambicioz. Atij do t’i besohet misioni për të ndërtuar një cikël fitues te Napoli dhe për të synuar trofe të tjerë të rëndësishëm gjatë sezoneve të ardhshme.