Protestuesit kanë bllokuar qarkullimin e automjeteve në rrugën “Mine Peza” në Tiranë, duke u ulur në mes të rrugës në vijim të tubimit të nisur pas protestës para Kryeministrisë.

Gjatë grumbullimit, pjesëmarrësit kanë bërë thirrje për lirimin e personave të arrestuar gjatë protestës, si edhe kanë artikuluar slogane drejtuar institucioneve të drejtësisë dhe qeverisë.

Mes thirrjeve të dëgjuara gjatë protestës ishin “Lironi çunat”, “Arrestoni Ramën”, si edhe slogane të tjera me përmbajtje politike kundër qeverisë dhe klasës politike.

Si pasojë e tubimit, qarkullimi në segmentin rrugor “Mine Peza” u bllokua përkohësisht, ndërsa situata u monitorua nga forcat e Policisë.