Kryeministri Edi Rama ka reaguar pas protestës së zhvilluar para Parlamentit, duke komentuar ashpër tensionet dhe përplasjet e raportuara gjatë tubimit.

Në një reagim në platformën “X”, Rama deklaroi se çdo kalim në dhunë fizike është, sipas tij, rezultat i një qasjeje të dështuar dhe i ndikimeve të ndryshme politike e mediatike.

“Kalimi në dhunë fizike është e vetmja gjë që mund të prodhojë tanimë korja e zezë e dështakëzemërakëve të bulevardit politiko-mediatik të Tiranës, koleksionistëve të precedentëve kriminalë dhe duarve të huaja pas tyre”, u shpreh Rama.

Ai shtoi se situata kërkon durim, duke nënkuptuar se, sipas tij, në vijim do të vijë edhe momenti i reflektimit.

“Duhet akoma durim e pastaj i vjen radha reflektimit”, deklaroi kryeministri.