Gjykata ka caktuar masën e sigurisë “Arrest në burg” për dy të rinjtë Nikolla Agolli dhe David Prifti, të përfshirë në ngjarjen e rëndë të regjistruar në Pogradec, ku mbeti i plagosur me armë zjarri shtetasi Brian Syzo.

Ngjarja erdhi pas një konflikti të çastit mes të rinjve, i cili degradoi në përdorimin e armëve, duke shkaktuar plagosjen e Syzos, i cili u transportua menjëherë për ndihmë mjekësore në spital.

Organet e akuzës kanë rreshtuar një sërë provash që implikojnë dy të dyshuarit në këtë konflikt, ndërsa gjykata pranoi kërkesën e prokurorisë për t’i lënë ata në qeli nën akuzat e plagosjes dhe armëmbajtjes pa leje, me qëllim shmangien e rrezikut të largimit apo prishjes së provave gjatë kohës që hetimet vijojnë për zbardhjen e plotë të dinamikës.

Brian Syzo, Nikolla Agolli