Tensionet përpara Parlamentit janë përshkallëzuar më tej në këto momente. Pas përdorimit të sprajit dhe ujit me piper, forcat e policisë kanë hedhur edhe gaz lotsjellës në drejtim të protestuesve për të bërë të mundur shpërndarjen e tyre dhe thyerjen e bllokimit.

Kjo ndërhyrje e ashpër e forcave të rendit ka mundësuar lirimin e përkohshëm të rrugës, duke bërë që Kryetari i Kuvendit, Niko Peleshi, të mund të largohej nga amfiteatri i godinës. Ndërkohë, një pjesë e konsiderueshme e deputetëve të tjerë kanë shfrytëzuar daljet alternative të Parlamentit për t’u larguar mes kaosit.

Përplasjet fizike mes efektivëve dhe qytetarëve mbeten të ashpra, ndërsa në terren po qëndrojnë ende autobotet e ujit për të mbajtur nën kontroll situatën e cila mbetet tejet e ndezur.