Deputetja e Partisë Socialiste, Elisa Spiropali, ka bërë thirrje për reflektim dhe vetëkritikë në lidhje me situatën e tensionuar që po zhvillohet jashtë ambjenteve të Parlamentit. Në një prononcim për mediat përpara hyrjes në seancën plenare, Spiropali theksoi se fokusi i klasës politike duhet të jetë te zgjidhja e problemeve dhe jo te përballja me qytetarët.

Sipas saj, Kuvendi duhet të shërbejë si një hapësirë ku diskutohen shqetësimet e njerëzve dhe ku ofrohen zgjidhje konkrete. Spiropali nënvizoi se çdo forcë politike duhet të bëjë një analizë të brendshme, duke u shprehur se palët duhet të dëgjojnë më shumë dhe të reflektojnë mbi situatën e krijuar.