Të dhënat po ngarkohen...
Transmetuar më 02-07-2026, 11:16
Apeli lë në fuqi dënimin me 17 vite burg për Erjon Llapushin, i akuzuar për vrasjen e Gazmend Kurmakut
Gjykata e Apelit ka lënë në fuqi vendimin e dhënë nga Shkalla e Parë për Erjon Llapushin, i akuzuar për vrasjen e kamerierit Gazmend Kurmaku.
Me vendimin e saj, Apeli ka rrëzuar ankimimin e bërë nga i pandehuri dhe ka konfirmuar dënimin me 17 vite burg. Ky vendim e bën dënimin të formës së prerë në këtë shkallë gjykimi.
Erjon Llapushi, 33 vjeç, akuzohet si autor i vrasjes së Gazmend Kurmakut, ngjarje e ndodhur më 2 tetor 2021 në një restorant në Elbasan.
Sipas dosjes hetimore, ngjarja është regjistruar brenda ambienteve të restorantit, ku Kurmaku humbi jetën si pasojë e plagëve të marra.
Me vendimin e Apelit, mbetet në fuqi dënimi me 17 vite burg ndaj Llapushit për këtë ngjarje.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd