Një shpërthim me lëndë plasëse, që paraprakisht dyshohet të ketë qenë tritol, është regjistruar rreth orës 04:00 të mëngjesit të së enjtes në një lokal në qytetin e Vlorës.

Si pasojë e shpërthimit janë shkaktuar dëme të konsiderueshme materiale në ambientet e biznesit, ndërsa është dëmtuar edhe një automjet i parkuar pranë vendit të ngjarjes.

Menjëherë pas sinjalizimit, në vendngjarje mbërritën shërbimet e Policisë së Vlorës dhe grupi hetimor, të cilët nisën këqyrjen e zonës, administrimin e provave dhe veprimet hetimore për zbardhjen e plotë të rrethanave të ngjarjes.

Fatmirësisht, nga shpërthimi nuk raportohet për persona të lënduar.

Policia vijon hetimet për identifikimin dhe kapjen e autorit ose autorëve, si dhe për dokumentimin e plotë të kësaj ngjarjeje.