Ndeshja e fazës së 1/16-ave të Botërorit 2026 mes Belgjikës dhe Senegalit, e zhvilluar në Seattle, u ndërpre për disa minuta pas një incidenti që shkaktoi tension dhe konfuzion në stadium.

Në minutën e 30-të të pjesës së parë, tre persona arritën t’i shmangeshin kontrollit të forcave të sigurisë dhe hynë në fushën e lojës, duke vrapuar në tapetin e gjelbër. Si pasojë, arbitri vendosi të pezullonte përkohësisht takimin.

Forcat e sigurisë ndërhynë menjëherë për të neutralizuar situatën, ndërsa pas disa minutash personat u larguan nga fusha dhe ndeshja rifilloi normalisht.

Pamjet e incidentit u përhapën me shpejtësi në rrjetet sociale, duke tërhequr vëmendjen e tifozëve dhe mediave sportive në mbarë botën.