TIRANË – Një aksident rrugor është regjistruar mbrëmjen e kësaj të mërkure në aksin Fushë Krujë–Tiranë, pranë kryqëzimit të Niklës, ku janë përfshirë tre automjete.

Sipas informacioneve paraprake, në aksident janë përfshirë një fuoristradë tip Mercedes-Benz dhe dy automjete të tjera.

Si pasojë e përplasjes, tre persona kanë mbetur të plagosur dhe janë transportuar në Spitalin Universitar të Traumës në Tiranë, ku po marrin ndihmën e nevojshme mjekësore.

Dyshohet se aksidenti është shkaktuar pasi drejtuesi i fuoristradës ka ndërprerë rrugën, duke u përplasur me dy automjetet e tjera.

Policia ka mbërritur në vendngjarje dhe ka nisur hetimet për të zbardhur rrethanat dhe shkaqet e plota të aksidentit.