TIRANË – Protesta qytetare kundër klasës politike ka hyrë në ditën e 32-të, ndërsa këtë të mërkurë është shënuar një zhvillim i ri simbolik gjatë tubimit.

Protestuesit kanë prezantuar një “bust” simbolik, duke e krahasuar kryeministrin e vendit, Edi Rama, me ish-diktatorin Enver Hoxha.

Gjatë protestës, qytetarët kanë mbajtur edhe thirrje kundër qeverisë, ku është dëgjuar mesazhi: “Do të të rrëzojmë si Enver Hoxha”, në kuadër të deklarimeve të tyre për largimin e kreut të qeverisë.

Protesta, e cila vijon prej 32 ditësh, mbetet e fokusuar në kërkesa politike të artikuluara nga pjesëmarrësit, të cilët kërkojnë ndryshim të qeverisjes aktuale.