SHBA – Anglia ka siguruar kualifikimin në raundin e 16-të të Kupës së Botës 2026, pasi përmbysi 2-1 Republikën Demokratike të Kongos në ndeshjen e zhvilluar të mërkurën në Atlanta.

“Tre Luanët” u vunë në vështirësi për më shumë se 70 minuta, por arritën të ndryshojnë rezultatin në fundin e takimit, duke përmbysur një ndeshje të komplikuar dhe të luftuar.

Ndeshja nisi me surprizë, pasi në minutën e 6-të Brian Cipenga kaloi në avantazh Kongon, pas një asistimi të Mbemba-s. Pavarësisht presionit të Anglisë, portieri Lionel Mpasi zhvilloi një pjesë të parë të shkëlqyer, duke ndalur disa raste të rrezikshme. Në minutën e 42-të, Wissa iu afrua dyfishimit të avantazhit, por goditi shtyllën.

Në pjesën e dytë, Anglia rriti ritmin dhe vazhdoi sulmet, por u përball me një portier të pakalueshëm deri në minutën e 75-të, kur Harry Kane barazoi me kokë pas një krosimi të Gordon. Sulmuesi anglez shënoi më pas golin e fitores në minutën e 86-të, duke realizuar një goditje të fuqishme brenda zonës për rezultatin 2-1.

Me këtë fitore, Anglia siguron kalimin në fazën e eliminimit direkt, ku do të përballet me Meksikën, një nga vendet pritëse të turneut.