TIRANË – Kreu i Partisë Demokratike, Sali Berisha, ka propozuar dy emra për drejtimin e Këshillit Kombëtar të partisë.

Gjatë mbledhjes së sotme të Këshillit Kombëtar, Berisha deklaroi se është menduar që drejtimi i këtij organi të udhëhiqet nga një grua, duke paraqitur dy kandidatura: Julia Emiri dhe Silva Hasaj.

“Në përputhje me nenin përkatës të statutit, do t’ju paraqes propozimet, nga të cilat ju do të zgjidhni ata që vlerësoni se e meritojnë më shumë sipas jush. Është menduar që Këshilli Kombëtar të drejtohej nga një zonjë dhe janë propozuar dy kandidatura: zonja Julia Emiri dhe zonja Silva Hasaj”, u shpreh Berisha.

Procesi i votimit pritet të përcaktojë drejtuesen e re të Këshillit Kombëtar të Partisë Demokratike.