Pogradec, 30 qershor 2026 – Një aksident rrugor është regjistruar në rrugën e re të Qafë Plloçës, ku një automjet ka humbur kontrollin dhe është përplasur me barrierat anësore të rrugës.

Si pasojë e përplasjes, drejtuesi i mjetit ka mbetur i lënduar dhe është transportuar menjëherë në Spitalin e Pogradecit, ku po merr ndihmën e nevojshme mjekësore.

Sipas bluzave të bardha, i plagosuri ndodhet jashtë rrezikut për jetën dhe gjendja e tij është e stabilizuar.

Burime paraprake bëjnë të ditur se aksidenti dyshohet të ketë ndodhur si pasojë e një momenti përgjumjeje të drejtuesit të automjetit, i cili mund të ketë humbur kontrollin e mjetit.

Në vendngjarje ndodhet Policia e Shtetit, e cila po kryen veprimet hetimore për të zbardhur rrethanat dhe shkaqet e plota të aksidentit.