Tiranë, 30 qershor 2026 – Gjatë protestës së zhvilluar në Tiranë, një prej pjesëmarrësve është shprehur për mediat duke theksuar se protesta e tyre synon të mbetet paqësore, pavarësisht tensioneve të krijuara gjatë tubimit.

Ai deklaroi se protestuesit kanë ndërhyrë për të shmangur përshkallëzimin e situatës dhe, sipas tij, kanë tentuar të ruajnë qetësinë mes protestuesve dhe forcave të policisë.

“Ne duam protestë paqësore, por ka forca që nuk duan paqe. Ne që ishim aty i dolëm përballë turmës për të mbrojtur edhe policinë, që protesta të mbetej paqësore”, u shpreh ai.

Protestuesi shtoi më tej se qytetarët nuk duhet të frikësohen dhe se, sipas tij, shqiptari u përkulet vetëm familjes dhe simboleve kombëtare.

“Mos të mendojnë se shqiptari trembet. Shqiptari i përulet vetëm Zotit, nënës dhe flamurit, askujt tjetër”, tha ai.