TIRANË – Një aksident i rëndë rrugor është regjistruar mesditën e kësaj të marte në autostradën Tiranë–Durrës, ku një furgon me pasagjerë ka dalë nga rruga dhe ka përfunduar në një kanal anësor.

Sipas informacioneve paraprake, disa prej pasagjerëve kanë mbetur të bllokuar brenda automjetit pas aksidentit.

Menjëherë pas njoftimit, në vendngjarje kanë mbërritur ekipet e urgjencës mjekësore dhe shërbimet zjarrfikëse, të cilat po punojnë për nxjerrjen e pasagjerëve dhe dhënien e ndihmës së parë.

Deri më tani nuk ka informacion zyrtar mbi numrin e të lënduarve apo shkaqet e aksidentit, ndërsa autoritetet po vijojnë veprimet për zbardhjen e plotë të rrethanave të ngjarjes.