TIRANË – Dy tubime të njëpasnjëshme janë paralajmëruar të zhvillohen gjatë ditës së sotme në kryeqytet, në kuadër të aksionit opozitar dhe qytetar që kërkon dorëheqjen e kryeministrit Edi Rama.

Protesta e parë ka nisur në orën 10:00 përpara godinës së Parlamentit, në të njëjtën kohë me fillimin e seancës plenare, nën sloganin “Ndryshimi fillon me ne, është koha të zgjohemi”. Ky organizim u njoftua mbrëmjen e së hënës nga drejtuesit e tubimeve të përnatshme.

Ndërkohë, organizatorët kanë bërë të ditur se një tjetër tubim do të pasoni në mbrëmje. Në orën 19:00, qytetarët do të mblidhen fillimisht në sheshin “Skënderbej” dhe më pas do të nisin një marshim drejt selisë së Kryeministrisë.

Nga ana e tyre, autoritetet e Policisë së Shtetit kanë hartuar një plan masash për garantimin e rendit publik, sigurinë e institucioneve dhe mbarëvajtjen e qarkullimit rrugor në akset kryesore ku do të shtrihen protestat.