Një 9-vjeçar rezulton i zhdukur prej disa orësh në Tiranë, ndërsa familja ka kërkuar ndihmën e qytetarëve dhe autoriteteve për gjetjen e tij.

Sipas nënës së të miturit, ai është larguar nga banesa rreth orës 15:00 për të luajtur me shokët në zonën e 21 Dhjetorit, por nuk është kthyer më në shtëpi.

Pas konstatimit të mungesës së tij, familjarët kanë bërë kallëzim në Komisariatin nr. 2 të Policisë, e cila ka nisur veprimet për lokalizimin e të miturit.

Në momentin e largimit, 9-vjeçari ishte i veshur me një kostum sportiv të zi, siç shihet edhe në fotografinë e shpërndarë nga familja.

Familja u bën apel qytetarëve që, nëse kanë parë të miturin ose kanë informacion që mund të ndihmojë në gjetjen e tij, të njoftojnë menjëherë Policinë e Shtetit ose të kontaktojnë familjarët.

Autoritetet vijojnë kërkimet, ndërsa familja shpreson që 9-vjeçari të gjendet sa më shpejt dhe të rikthehet shëndoshë e mirë në shtëpi.