KUPA E BOTËS – Brazili ka siguruar kualifikimin në fazën pasuese të Botërorit pas një fitoreje dramatike 2-1 ndaj Japonisë, në një ndeshje të vlefshme për 1/16-at.

Japonezët kaluan të parët në avantazh në minutën e 29-të me golin e Sanos, duke mbyllur pjesën e parë në epërsi dhe duke shtuar presionin mbi skuadrën e drejtuar nga Carlo Ancelotti.

Në pjesën e dytë, Brazili reagoi fuqishëm dhe arriti të përmbysë rezultatin. Fillimisht, Casemiro vendosi baraspeshën, duke rikthyer “Seleçaon” në lojë dhe duke ndryshuar ritmin e takimit.

Në minutat e fundit të sfidës, ishte Gabriel Martinelli që realizoi golin e fitores, duke i dhënë Brazilit një kualifikim të vuajtur, por vendimtar.

Pas këtij triumfi, Brazili kalon në fazën tjetër të kompeticionit, ku do të përballet me fituesin e çiftit Bregu i Fildishtë – Norvegji.