AFGANISTAN- Pakistani ka bombarduar Afganistanin, ndërsa 36 persona kanë humbur jetën dhe 163 të tjerë janë plagosur. Pakistani tha se operacionet kishin për qëllim një grup terrorist, të cilin vendi i tij i fajëson për një sulm vdekjeprurës militant në Karaçi, cili vrau tre persona.

Gjithashtu ai tha se tha se forcat pakistaneze të sigurisë kishin kryer një operacion tokësor të bazuar në inteligjencë të ndjekur nga sulme ajrore përgjatë kufirit Afganistan-Pakistan, duke synuar strehimet terroriste përtej kufirit.

Nga ana tjetër, autoritetet afgane kanë mohuar vazhdimisht se territori i tyre strehon militantë. Hamdullah Fitrat, një zëdhënës i qeverisë talebane të Afganistanit, tha se forcat pakistaneze shënjestruan një shtëpi në rrethin Chamkani të provincës Paktia, duke vrarë një burrë të moshuar dhe një fëmijë dhe duke plagosur anëtarë të tjerë të familjes.

BBC shkruan se goditjet janë shpërthimi i fundit i dhunës midis dy vendeve, marrëdhënia e të cilave ka qenë e vështirë që kur qeveria talebane mori pushtetin në vitin 2021.

Autoritetet afgane thonë se operacionet pakistaneze kanë shkaktuar një numër të madh të vdekjeve civile. Konflikti ka përfshirë luftime të ashpra përgjatë kufirit dhe sulme ajrore pakistaneze të paprecedenta në qytetet afgane, duke përfshirë kryeqytetin, Kabulin dhe Kandaharin, ku është vendosur udhëheqësi suprem i talebanëve