Një aksident rrugor ka ndodhur pak minuta më parë në aksin Fier–Levan, pranë zonës së njohur si “Qafa e Koshovicës”, ku dy automjete janë përplasur me njëra-tjetrën.

Si pasojë e përplasjes së fortë, dy drejtuesit e mjeteve kanë mbetur të plagosur. Ata janë transportuar me urgjencë drejt Spitalit Rajonal të Fierit, ku po marrin ndihmën e nevojshme mjekësore.

Në vendngjarje kanë mbërritur menjëherë shërbimet e Policisë dhe grupi hetimor, të cilët po punojnë për zbardhjen e shkaqeve të aksidentit dhe për normalizimin e qarkullimit në segmentin rrugor.

Aksi Fier–Levan mbetet një nga segmentet më problematike sa i përket aksidenteve rrugore, veçanërisht gjatë sezonit veror kur edhe fluksi i automjeteve është më i lartë.