Të dhënat po ngarkohen...
Transmetuar më 29-06-2026, 14:02
Një plagosje me armë zjarri është shënuar këtë të hënë në Pogradec.
Sipas informacioneve paraprake, i plagosur në këmbë ka mbetur Brian Syzo, i cili u transportua menjëherë në Spitalin e Pogradecit, ku po merr ndihmën e nevojshme mjekësore.
Burime paraprake bëjnë me dije se autori i dyshuar i ngjarjes është Nikolla Agolli, ndërsa policia është vënë në ndjekje të tij.
Brian Syzo është një emër i njohur për policinë, pasi ka precedentë penalë. Ai është hetuar më herët për prodhim dhe shitje të lëndëve narkotike, si edhe është përfshirë disa herë në konflikte në qytetin e Pogradecit.
Policia ka nisur hetimet për zbardhjen e plotë të rrethanave të ngjarjes, ndërsa pritet një reagim zyrtar lidhur me incidentin dhe identifikimin e autorit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd