Një plagosje me armë zjarri është raportuar këtë të hënë në Pogradec. Sipas informacioneve paraprake, i plagosur ka mbetur Brian Syzo, i cili është qëlluar në këmbë.

Menjëherë pas ngjarjes, ai është transportuar në Spitalin e Pogradecit, ku po merr ndihmën e nevojshme mjekësore. Burime paraprake bëjnë me dije se ndodhet jashtë rrezikut për jetën.

Brian Syzo është një emër i njohur për strukturat e policisë. Ai rezulton të ketë precedentë për veprën penale të prodhimit dhe shitjes së lëndëve narkotike, si edhe është përfshirë disa herë në konflikte të ndodhura në qytetin e Pogradecit.

Rrethanat e plagosjes dhe autorët e ngjarjes nuk janë bërë ende të ditur. Policia ka nisur hetimet për zbardhjen e plotë të incidentit.