Tropojë – Një turiste nga Zelanda e Re ka përjetuar një incident të rëndë gjatë një shëtitjeje në Alpet Shqiptare, pasi është kafshuar nga një nepërkë me bri në zonën e Valbonës.

Sipas rrëfimit të saj, ngjarja ndodhi gjatë ecjes në një shteg malor, ku pas kafshimit ajo njoftoi menjëherë shërbimet e emergjencës 112 dhe tentoi të ndihmojë ekipet e shpëtimit duke dërguar vendndodhjen e saktë përmes aplikacioneve të telefonit.

Për shkak të terrenit të vështirë dhe mungesës së sinjalit, lokalizimi i saj u vështirësua, por ndërhyrja e koordinuar mes autoriteteve dhe një bujtine lokale ndihmoi në orientimin e ekipeve drejt vendit ku ndodhej.

Turistja mori ndihmën e parë në vendngjarje dhe më pas u transportua për trajtim mjekësor. Ajo ka falënderuar ekipet e shpëtimit dhe ka ndarë përvojën e saj në rrjete sociale, duke theksuar rëndësinë e pajisjeve të emergjencës për turistët në zona malore.