Mallakastër – Zjarri që përfshiu mëngjesin e sotëm fshatin Hekal është shuar pas disa orësh ndërhyrje nga forcat zjarrfikëse të Ballshit dhe Fierit, të mbështetura edhe nga ndërhyrja ajrore.

Flakët kishin përfshirë disa hektarë me shkurre dhe ullishte, ndërsa për shkak të erës së fortë u krijua përkohësisht rrezik për përhapje drejt Parkut Arkeologjik të Bylisit.

Pas ndërhyrjes së koordinuar të emergjencave civile, situata u vu nën kontroll dhe zjarri u shua plotësisht. Autoritetet bëjnë me dije se ekipet mbeten në terren për monitorim, pasi kushtet atmosferike mund të riaktivizojnë vatra të izoluara gjatë orëve të natës.