Një aksident i rëndë ajror është regjistruar në Francë, ku një avion i përdorur për fluturime me parashutistë është rrëzuar, duke shkaktuar vdekjen e 11 personave.

Sipas mediave franceze, mes viktimave janë pesë instruktorë parashutizmi, pesë kursantë dhe piloti i avionit, i cili kishte përvojë të gjatë në fluturime.

Avioni i aksidentuar ishte i tipit Pilatus, me regjistrim gjerman, model i përdorur zakonisht për aktivitetet e parashutizmit. Sipas informacioneve paraprake, në bord ndodheshin persona që po merrnin pjesë në një fluturim familjarizimi me këtë sport.

Autoritetet kanë nisur hetimet për të përcaktuar shkaqet e aksidentit. Në vendngjarje ndodhet prefekti i departamentit Meurthe-et-Moselle, ndërsa pritet edhe mbërritja e ministrit të Brendshëm të Francës.

Rrethanat e plota të tragjedisë mbeten ende nën hetim.