Lionel Messi ka vendosur një tjetër rekord historik në Kupën e Botës, duke shënuar në shtatë ndeshje radhazi dhe duke kaluar emra legjendarë të futbollit botëror.

Sipas statistikave, ylli argjentinas ka shënuar në çdo ndeshje të fundit të Botërorit që prej edicionit 2022, duke e çuar serinë e tij në shtatë takime radhazi me gol. Në këtë mënyrë, ai ka lënë pas rekordin e francezit Just Fontaine, i cili kishte shënuar në gjashtë ndeshje radhazi në Botërorin e vitit 1958, si dhe brazilianin Jairzinho në edicionin e vitit 1970.

Në këtë seri përfshihen ndeshje ndaj Australisë, Holandës, Kroacisë dhe Francës në vitin 2022, si dhe përballjet me Algjerinë, Austrinë dhe Jordaninë në edicionin e vitit 2026.

Goli i fundit ndaj Jordanisë i ka mundësuar Messit të arrijë një total prej 11 golash në shtatë ndeshje, duke përfshirë dy dopieta – një në finalen e Botërorit 2022 ndaj Francës dhe një tjetër ndaj Austrisë – si dhe një tripletë në ndeshjen hapëse të Botërorit 2026 kundër Algjerisë.

Argjentina vijon rrugëtimin në turne, ndërsa Messi ka mundësinë të thellojë më tej rekordin e tij në ndeshjen e radhës të fazës së 1/16-ve kundër Kepit të Gjelbër.

Ky rekord i ri vjen si një tjetër dëshmi e vazhdimësisë së performancës së tij në nivelin më të lartë të futbollit botëror.