VENEZUELË – Një djalë 11-vjeçar është nxjerrë i gjallë nga rrënojat në qytetin Caraballeda, tre ditë pas tërmeteve të fuqishme që goditën Venezuelën, duke shkaktuar qindra viktima dhe dëme të mëdha materiale.

Fëmija, i identifikuar si Moises, u shpëtua pas një operacioni të gjatë kërkim-shpëtimi nga ekipi USAR Colombia 1, në bashkëpunim me zjarrfikësit e qytetit të Bogotës. Ai kishte qëndruar i bllokuar nën rrënoja për më shumë se 70 orë.

Pamjet e publikuara nga presidentja e përkohshme e Venezuelës, Delcy Rodríguez, tregojnë momentin kur ekipet e shpëtimit e transportojnë 11-vjeçarin me barelë drejt ndihmës mjekësore.

"Pak minuta më parë, një djalë 11-vjeçar u shpëtua në Caraballeda. Në këtë moment, çdo jetë është një burim shprese për Venezuelën", shkroi Rodríguez në një postim në rrjetin social X, duke publikuar edhe videon e operacionit të shpëtimit.

Sipas mediave vendase, tërmetet me magnitudë 7.2 dhe 7.5 kanë shkaktuar deri tani vdekjen e të paktën 1,430 personave, ndërsa bilanci pritet të rëndohet.

Autoritetet bëjnë të ditur se mbi 50 mijë persona rezultojnë ende të zhdukur, ndërsa ekipet e kërkim-shpëtimit vijojnë punën pa ndërprerje në zonat më të goditura nga fatkeqësia natyrore.

Ndërkohë, dëmet ekonomike të shkaktuara nga dy tërmetet vlerësohen në rreth 7 miliardë dollarë, ekuivalente me afro 6% të Prodhimit të Brendshëm Bruto (PBB) të Venezuelës.

Hace pocos minutos fue rescatado con vida un niño de 11 años en Caraballeda. En estas horas cada vida es esperanza para Venezuela. pic.twitter.com/Pjj5ETaaYe

— Delcy Rodríguez (@delcyrodriguezv) June 28, 2026

Buenas noticias en medio de esta tragedia.

Varios uniformados de @BomberosBogota participaron, junto al resto del equipo USAR Colombia 1, en el rescate de Moisés, un niño de 11 años que estaba atrapado entre los escombros y fue encontrado con vida.

Tengo fe en que el equipo… pic.twitter.com/kBTBp7nlov

— Carlos F. Galán (@CarlosFGalan) June 27, 2026