Panorama e Kupës së Botës 2026: Të gjitha çiftet e fazës së 1/32-ve dhe rruga drejt finales së madhe

Faza e grupeve e Kupës së Botës 2026, e para në histori me 48 skuadra pjesëmarrëse dhe më e madhja e organizuar ndonjëherë, ka përfunduar. Tashmë nis faza me eliminim direkt, ku çdo ndeshje është vendimtare.

Është kompletuar skema e fazës së 1/32-ve dhe tashmë është përcaktuar rruga që ekipet do të ndjekin deri në finalen e madhe, e cila do të zhvillohet më 19 korrik në Nju Jork.

Njëra anë e tabelës përfshin kombëtare si Gjermania, Franca, Holanda, Maroku, Spanja dhe Belgjika, duke u konsideruar si "krahu europian", pasi aty ndodhen shumica e emrave të mëdhenj të UEFA-s.

Në anën tjetër të tabelës ndodhen Brazili dhe Argjentina, së bashku me dy përfaqësuese të forta europiane, Anglinë dhe Norvegjinë, duke premtuar duele spektakolare deri në finale.

Çiftet e fazës së 1/32-ve (ora e Tiranës)

Gjermani – Paraguai, 29 qershor, ora 22:30

Francë – Suedi, 30 qershor, ora 23:00

Afrika e Jugut – Kanada, 28 qershor, ora 21:00

Holandë – Marok, 30 qershor, ora 03:00

Portugali – Kroaci, 3 korrik, ora 01:00

Spanjë – Austri, 2 korrik, ora 21:00

SHBA – Bosnje-Hercegovinë, 2 korrik, ora 02:00

Belgjikë – Senegal, 1 korrik, ora 22:00

Brazil – Japoni, 29 qershor, ora 19:00

Bregu i Fildishtë – Norvegji, 30 qershor, ora 19:00

Meksikë – Ekuador, 1 korrik, ora 03:00

Angli – RD Kongo, 1 korrik, ora 18:00

Argjentinë – Kepi i Gjelbër, 4 korrik, ora 00:00

Australi – Egjipt, 3 korrik, ora 20:00

Zvicër – Algjeri, 3 korrik, ora 05:00

Kolumbi – Ganë, 4 korrik, ora 03:30

Kalendari i fazës me eliminim direkt

Faza e 1/32-ve

28 qershor – 4 korrik (në orët e para të mëngjesit)

Faza e 1/16-ve

4 korrik – 7 korrik

Çerekfinalet

9 korrik – 12 korrik

Gjysmëfinalet

14 korrik – 15 korrik

Ndeshja për vendin e tretë

19 korrik (në orët e para të mëngjesit)

Finalja e madhe

19 korrik, në Nju Jork, ku do të kurorëzohet kampioni i ri i Kupës së Botës 2026.