Në Lushnjë, gjatë festimeve të mbrëmjes së maturës, një grup maturantësh janë dëgjuar duke thirrur në kor: “Rama, jep dorëheqjen”.

Pamjet e shpërndara në rrjete sociale tregojnë të rinjtë teksa festojnë përfundimin e shkollës së mesme, ndërsa në një moment i bashkohen edhe thirrjeve që po dëgjohen në protestat e zhvilluara në Tiranë.

Videoja është shpërndarë edhe nga deputeti i Partisë Demokratike Saimir Korreshi, i cili e ka komentuar si “kori më i bukur i maturantëve të Lushnjës”.

Ngjarja vjen në një kohë kur në kryeqytet po zhvillohen protesta të vazhdueshme me kërkesa politike dhe sociale ndaj qeverisë.