Një foshnjë e porsalindur është nxjerrë e gjallë nga rrënojat e një ndërtese të shembur në Venezuelë, 32 orë pas tërmeteve të fuqishme që goditën vendin.

Sipas pamjeve të publikuara nga AFP, ekipet e shpëtimit kanë punuar gjatë natës mes rrënojave në qytetin La Guaira, duke arritur të nxjerrin foshnjën, vetëm 18 ditëshe, të mbështjellë me batanije. Më pas ajo është pastruar dhe i është dhënë ndihma e parë në vendngjarje.

Rreth një orë më vonë, është shpëtuar edhe nëna e foshnjës, e cila gjithashtu kishte mbetur e bllokuar nën rrënoja.

Ngjarja ka ndodhur pas dy tërmeteve të forta me magnitudë 7.2 dhe 7.5 ballë që goditën veriun e vendit, duke shkaktuar dëme të mëdha dhe viktima të shumta.

Sipas autoriteteve, numri i viktimave ka shkuar në qindra, ndërsa mijëra persona janë plagosur dhe një numër i madh rezultojnë ende të zhdukur.

Rescuers pulled a mother and her newborn baby to safety after they survived more than 24 hours trapped beneath the debris following the powerful earthquake in Venezuela. pic.twitter.com/id5FD7d5Jz

— Massimo (@Rainmaker1973) June 27, 2026