Ish-drejtuesi i Policisë Vendore të Shkodrës, Gentian Berberi, është përjashtuar nga radhët e Policisë së Shtetit.

Sipas raportimeve, vendimi vjen pas një sërë zhvillimesh që lidhen me largimin e tij nga detyra si drejtor i Policisë së Shkodrës për shkak të performancës së dobët, në një periudhë kur në territorin e qarkut u evidentuan dhe u asgjësuan parcela me kanabis.

Vendimi i Standarteve Profesionale, ka ardhur pasi Berberi vetëm pak ditë më parë iu komunikua shkarkimi nga detyra si drejtor i DVP Shkodër pasi ka kanosur dhe ofenduar drejtoreshën e Burimeve Njerëzore në Policinë e Shtetit.

Fjalët fyese dhe kërcënimet i janë bërë në zyrën e drejtoreshës, me këtë të fundit që e ka kallëzuar Berberin menjëherë në AMP.

Berberi së fundmi ishe transferuar në detyrë si shef i sektorit të analizës së rriskut në drejtorinë e menaxhimit dhe drejtimit.

Pas shkarkimit, Berberi ishte transferuar në Drejtorinë e Përgjithshme të Policisë së Shtetit, në sektorin e analizës.

Mësohet se ai është paraqitur në Drejtorinë e Burimeve Njerëzore, ku dyshohet se ka përdorur fjalor fyes dhe ka kërcënuar një zyrtare, lidhur me uljen e tij në detyrë. Për këtë arsye është marrë vendimi për përjashtimin e tij nga radhët e Policisë së Shtetit.

Materialet mbi rastin pritet t’i referohen edhe organeve kompetente për veprime të mëtejshme.