Një incident i rëndë është regjistruar në Parlamentin e Gjeorgjisë, ku deputetë të mazhorancës dhe opozitës u përfshinë në një përleshje fizike gjatë seancës plenare të zhvilluar më 26 qershor.

Tensionet shpërthyen gjatë sesionit të pyetje-përgjigjeve pas raportit vjetor të kryeministrit Irakli Kobakhidze. Deputeti i opozitës, Giorgi Sharashidze, akuzoi kreun e qeverisë për mënyrën se si kishte vepruar gjatë vizitës së presidentit të Azerbajxhanit, Ilham Aliyev, duke pretenduar se ai kishte një rol dytësor në drejtimin e vendit.

Pas shkëmbimit të akuzave dhe replikave të ashpra, situata doli jashtë kontrollit, ndërsa disa deputetë nisën të godisnin njëri-tjetrin në sallën e Kuvendit.

Pamjet e publikuara nga mediat vendase tregojnë momentet e përleshjes, ku në konflikt u përfshinë disa ligjvënës, ndërsa shërbimet e sigurisë ndërhynë për të ndarë deputetët dhe për të larguar disa prej tyre nga salla.

Mes deputetëve të përfshirë në incident u identifikuan edhe Lasha Talakhadze, kampion olimpik në peshëngritje dhe deputet i mazhorancës, si dhe Archil Gorduladze, kryetar i Komisionit Parlamentar për Çështjet Ligjore.

Kryeministri Irakli Kobakhidze dhe anëtarët e kabinetit të tij ndoqën zhvillimet nga vendet e tyre në sallë, ndërsa transmetimi i seancës parlamentare u ndërpre përkohësisht.

Pas incidentit, në ndërtesën e parlamentit u thirrën shërbimet e emergjencës, ndërsa autoritetet kanë nisur vlerësimin e pasojave dhe hetimin e ngjarjes.

@nbcnews

Several Georgian lawmakers traded punches inside the country's parliament following an address by the Prime Minister Irakli Kobakhidze.

♬ original sound – nbcnews