Sot në mbrëmje në Tiranë do të zhvillohet protesta e 28-të kombëtare kundër qeverisë, e cila pritet të mbledhë qytetarë nga zona të ndryshme të vendit, si dhe pjesëtarë të diasporës shqiptare që janë bashkuar për këtë tubim.

Sipas organizatorëve, grumbullimi i protestuesve do të nisë në orën 19:00 në Sheshin “Skënderbej”, ndërsa më pas pjesëmarrësit do të marshojnë drejt godinës së Kryeministrisë, ku pritet të qëndrojnë për të shprehur kërkesat e tyre.

Kërkesa kryesore e protestës mbetet dorëheqja e kryeministrit Edi Rama. Organizatorët kanë deklaruar se tubimet do të vijojnë në mënyrë të përditshme deri në përmbushjen e kësaj kërkese, duke bërë thirrje për pjesëmarrje sa më të gjerë të qytetarëve dhe diasporës.

Tubimi i sotëm vjen në vijim të protestave të njëpasnjëshme që kanë hyrë në javën e katërt të zhvillimit në kryeqytet.