Kryeministri Edi Rama ka publikuar një video nga tubimi i zhvilluar sot përpara Kryeministrisë, ku një protestues mbante fjalën gjatë protestës.

Sipas Ramës, qytetari në fjalë, i cili gjatë fjalës së tij u shpreh për çështjen çame, është i dënuar tre herë në Belgjikë për trafik droge.

Në reagimin e tij, Rama e cilësoi protestuesin si “patriot të shtirur” dhe pretendoi se ai nuk përfaqëson protestuesit e sinqertë, por persona të nxitur për të marrë mikrofonin dhe për të ndikuar në protestë.

Kryeministri shtoi se këta individë “nuk kanë lidhje me protestuesit e vërtetë” dhe i përshkroi si pjesë e një “shfaqjeje politike” që, sipas tij, synon të deformojë shqetësimet reale të qytetarëve.

Rama vijoi më tej duke e lidhur këtë rast me atë që ai e quajti “fytyra e errësirës” dhe një mënyrë të vjetër të të bërit politikë në vend.