Debutuesit e Kepit të Gjelbër kanë siguruar kualifikimin në fazën e 1/16-ave të Botërorit 2026, duke u renditur të dytët në Grupin H me tre pikë. Ata do të përballen në fazën e radhës me kampionët në fuqi të botës, Argjentinën.

Grupi H u mbyll me Spanjën në krye me shtatë pikë, pas fitores 0-1 ndaj Uruguait, rezultat që solli edhe eliminimin e këtij të fundit nga turneu. Uruguai dhe Arabia Saudite mbyllin grupin dhe dalin jashtë garës.

Në ndeshjen tjetër, Kepi i Gjelbër siguroi kualifikimin historik pas barazimit 0-0 ndaj Arabisë Saudite, duke konfirmuar një prej surprizave të mëdha të turneut.

Spanja siguroi fitoren minimale ndaj Uruguait falë një goditjeje të Alex Baena-s në minutën e 42-të dhe një gabimi të portierit Fernando Muslera. Ndeshja u komplikua më tej për Uruguain pas kartonit të kuq të Canobbios në minutat shtesë.

Në Houston, Kepi i Gjelbër festoi një kualifikim historik për një vend me rreth 500 mijë banorë, duke siguruar një duel të madh në 1/16-at kundër Argjentinës së Lionel Messit.

Përmbledhje e fazës së 1/16-ave (deri tani): Afrika e Jugut – Kanada, Brazil – Japoni, Holandë – Marok, SHBA – Bosnjë-Hercegovinë, Bregu i Fildishtë – Norvegji, Argjentinë – Kepi i Gjelbër, Francë – Suedi, Gjermani – Paraguai.