TIRANË – Autoriteti Kombëtar për Sigurinë Kibernetike (Autoriteti Kombëtar për Sigurinë Kibernetike) ka lëshuar një paralajmërim për qytetarët lidhur me një valë të re sulmesh mashtruese në aplikacionin WhatsApp.

Sipas autoritetit, përdoruesit po marrin mesazhe që duken si njoftime zyrtare, ku u kërkohen kode verifikimi ose u dërgohen lidhje të rreme që imitojnë faqe autentifikimi. Qëllimi i këtyre skemave është marrja e kontrollit të llogarive dhe vjedhja e të dhënave personale, përfshirë edhe informacionin bankar.

AKSK u ka bërë thirrje qytetarëve të tregojnë kujdes të shtuar dhe të mos bien pre e këtyre praktikave, duke theksuar disa masa kryesore sigurie:

të mos klikohen linqe të dyshimta të mos ndahen kodet e verifikimit në asnjë rast të kontrollohen pajisjet e lidhura në WhatsApp (Linked Devices) të aktivizohet verifikimi me dy faktorë (2FA)

Autoriteti thekson se institucionet publike nuk kërkojnë kurrë kode sigurie, fjalëkalime apo të dhëna bankare përmes mesazheve apo lidhjeve të dërguara nga numra të panjohur.

Në fund, AKSK apelon për vigjilencë dhe raportim të menjëhershëm të çdo rasti të dyshimtë, duke e cilësuar kujdesin individual si një nga mbrojtjet kryesore ndaj sulmeve kibernetike.