Sarandë – Një aksident rrugor është regjistruar mëngjesin e së premtes në kryqëzimin e rrugëve “Onhezmi” dhe “Skënderbeu”, ku një automjet ka dalë nga rruga dhe është përplasur me barrierat mbrojtëse anësore.

Sipas informacioneve paraprake, një automjet tip Mercedes-Benz, i drejtuar nga shtetasi francez Yacine Mechmache, ka humbur kontrollin gjatë lëvizjes, duke dalë nga karrexhata dhe duke u përplasur me mbrojtëset rrugore.

Nga aksidenti nuk janë raportuar persona të lënduar, ndërsa janë shkaktuar vetëm dëme materiale në automjet dhe në infrastrukturën rrugore.

Në vendngjarje kanë mbërritur menjëherë shërbimet e Policisë Rrugore të Sarandës, të cilat kanë kryer veprimet procedurale dhe testimin e alkoolit ndaj drejtuesit të mjetit. Rezultati ka rezultuar 0.00 mg/l, duke përjashtuar konsumimin e alkoolit.

Shkaqet e aksidentit mbeten ende nën hetim nga autoritetet policore, të cilat po punojnë për të sqaruar rrethanat e plota të ngjarjes.