Himarë – Prej të paktën katër ditësh, ujërat në zonën bregdetare të Potamit në Himarë janë raportuar si të ndotura, duke ngritur shqetësim tek pushuesit dhe banorët e zonës.

Bashkia e Himarës ka reaguar zyrtarisht, duke bërë të ditur se situata po monitorohet nga institucionet përgjegjëse dhe se janë marrë mostra për analizë laboratorike, me qëllim përcaktimin e shkakut të ndotjes.

Në reagim theksohet se në terren ndodhen struktura të ndryshme shtetërore, përfshirë Ministrinë e Turizmit, Ministrinë e Mjedisit, Agjencinë Kombëtare të Ujësjellës-Kanalizimeve (AKUK), Agjencinë Kombëtare të Mjedisit (AKM) dhe task-forcat për menaxhimin e sezonit turistik.

Sipas Bashkisë, deri në përfundimin e analizave nuk mund të konkludohet zyrtarisht mbi shkaqet e fenomenit, ndërsa çdo informacion i deritanishëm konsiderohet në nivel pretendimi.

Autoritetet shtojnë se Impianti i Trajtimit të Ujërave të Ndotura që shërben për zonën e Himarës është plotësisht funksional dhe nuk janë konstatuar probleme teknike që mund të lidhen me situatën.

Bashkia e Himarës ka theksuar se do të vijojë monitorimin e vazhdueshëm të situatës dhe informimin e publikut me transparencë, ndërsa ruajtja e cilësisë së ujërave dhe siguria e pushuesve mbeten prioritet gjatë sezonit turistik.

Si është zakonisht

Si është katandisur