Dy gra humbën jetën në mënyrë tragjike pas një aksidenti të rëndë rrugor në Newark, New Jersey, teksa po kalonin në vendkalimin e këmbësorëve pas përfundimit të një ndeshjeje të Kupës së Botës.

Pamjet e kamerave të sigurisë tregojnë se 58-vjeçarja Mariana Elizabeth Valverde Beltran dhe 61-vjeçarja Maria Isabel DeLos Angeles Salgado Ayala po kalonin rrugën kur u goditën nga një automjet që lëvizte me shpejtësi të lartë, duke humbur jetën në vend.

Sipas autoriteteve, në timon ndodhej 26-vjeçari David J. Zapata-Vera, i identifikuar përmes kamerave të trafikut. Dëshmitarët thanë se ai po lëvizte me shpejtësi dhe përshkoi kryqëzimin ndërsa semafori po kalonte në të kuqe.

I dyshuari u vetëdorëzua në polici tre ditë pas aksidentit dhe aktualisht mbahet në paraburgim pa të drejtë lirimi me kusht.

Prokuroria ka ngritur ndaj tij akuza për vrasje nga pakujdesia në trafik, largim nga vendi i aksidentit me pasojë vdekjen, si dhe rrezikim të një personi të plagosur.

Autoritetet kanë nisur hetimet për të zbardhur plotësisht rrethanat e aksidentit, ndërsa ngjarja ka shkaktuar reagime të shumta në komunitetin lokal.

🔥 DOS ECUATORIANAS MUEREN ATROPELLADAS EN NUEVA JERSEY TRAS PARTIDO DE LA TRI

Dos compatriotas, de 58 y 61 años, perdieron la vida la noche del 20 de junio en Newark, Nueva Jersey. Regresaban de alentar a Ecuador en el Mundial cuando un auto rojo, a exceso de velocidad y sin… pic.twitter.com/sWqSXG3Hvv

— Diario El Mercurio (@elmercuriomanta) June 24, 2026