Punonjësi i Policisë së Burgjeve dyshohet se i dorëzoi një sasi të dyshuar kokaine një të paraburgosuri brenda IEVP Durrës. Në pranga ka përfunduar edhe i paraburgosuri që dyshohet se e mori lëndën narkotike.

DURRËS – Një punonjës i Policisë së Burgjeve është arrestuar në flagrancë në Institucionin e Ekzekutimit të Vendimeve Penale (IEVP) Durrës, pasi dyshohet se tentoi të fuste lëndë narkotike për një të paraburgosur.

Sipas Agjencisë së Mbikëqyrjes në Sistemin e Ekzekutimit të Vendimeve Penale (AMSEVP), në pranga është vënë punonjësi i policisë së burgjeve me inicialet A. P., si edhe i paraburgosuri A. M. Ata akuzohen për veprat penale "Futja ose mbajtja e sendeve të ndaluara në Institucionin e Ekzekutimit të Vendimeve me Burgim" dhe "Prodhimi dhe shitja e narkotikëve", të parashikuara nga nenet 324/a dhe 283 të Kodit Penal.

Sipas njoftimit zyrtar, gjatë një kontrolli të ushtruar nga AMSEVP në bashkëpunim me Drejtorinë e Përgjithshme të Burgjeve, u konstatua se punonjësi i policisë, gjatë ushtrimit të detyrës brenda IEVP Durrës, i kishte dorëzuar të paraburgosurit një sasi të lëndës së dyshuar narkotike të llojit kokainë.

Nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, autoritetet po vijojnë veprimet hetimore për të zbardhur plotësisht rrethanat e ngjarjes dhe për të verifikuar nëse bëhet fjalë për një rast të izoluar apo për raste të tjera të ngjashme brenda institucionit.

AMSEVP u ka bërë gjithashtu thirrje qytetarëve dhe mediave të denoncojnë çdo rast të dyshuar të abuzimit apo shkeljes së detyrës nga punonjësit e strukturave të ekzekutimit të vendimeve penale.

Njoftimi i AMP:

Sot në datën 25.06.2026, nga Agjencia e Mbikëqyrjes në Sistemin e Ekzekutimit të Vendimeve Penale është kryer arrestimi në flagrancë i shtetasve A. P. me detyrë punonjës policie në IEVP Durrës dhe A. M. i burgosur në IEVP Durrës, për veprat penale “Futja ose mbajtja e sendeve të ndaluara në Institucionin e Ekzekutimit të Vendimeve me Burgim” dhe “Prodhimi dhe shitja e narkotikëve”, të parashikuara nga nenet 324/a dhe 283 të Kodit Penal.

Kjo pasi, në IEVP Durrës, nga kontrolli i ushtruar nga Agjencia e Mbikëqyrjes në Sistemin e Ekzekutimit të Vendimeve Penale në bashkëpunim me DPB është konstatuar se punonjësi i policisë së burgjeve A. P., gjatë ushtrimit të detyrës brenda në IEVP, i ka dhënë të burgosurit A. M., një sasi lënde të dyshuar narkotike të llojit kokainë.

AMSEVP është duke kryer të gjitha veprimet e tjera verifikuese dhe hetimore për këtë rast dhe raste të ngjashme brenda kësaj IEVP-je, nën drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Durrës. AMSEVP inkurajon qytetarët dhe mediat të denoncojnë çdo rast të abuzimit apo shkeljes së detyrës nga ana e punonjësve të strukturave