Gjatë protestës së zhvilluar këtë të enjte para godinës së Kryeministrisë në Tirana, një nga protestuesit iu drejtua të pranishmëve me një mesazh ku vuri theksin te roli i diasporës në protestat kundër qeverisë.

Në fjalën e tij, ai deklaroi se diaspora do të rikthehet sërish në Shqipëri për t’iu bashkuar protestave, duke shtuar se “kur diaspora goditet, shqiptarët ngrihen në këmbë”.

Protestuesi u bëri thirrje qytetarëve të vijojnë pjesëmarrjen në tubime, duke argumentuar se, sipas tij, mosreagimi do të çonte në largimin e mëtejshëm të shqiptarëve nga vendi.

“Nëse sot nuk dalim në rrugë, nuk do të kemi më mundësinë të shohim njeri majtas e djathtas, sepse nuk do të ketë mbetur më njeri. Nesër më shumë! Rroftë Shqipëria e lirë dhe e ndershme”, u shpreh ai në përfundim të fjalës së tij.

Protesta është pjesë e një serie tubimesh që po zhvillohen prej disa javësh në kryeqytet, ku pjesëmarrësit kërkojnë dorëheqjen e qeverisë dhe ndryshime në drejtimin politik të vendit.