Kombëtarja e Suedia kombëtare e futbollit është gjendur pranë një incidenti të pazakontë gjatë seancës stërvitore në SHBA, pasi një stadium ku po kryheshin punime rinovimi është shembur në mënyrë të papritur dhe të pakontrolluar.

Ngjarja ka ndodhur në një arenë që i përket klubit FC Dallas, ku punëtorët kishin planifikuar një shembje të kontrolluar të një pjese të strukturës duke përdorur eksplozivë, si pjesë e procesit të rindërtimit të stadiumit.

Sipas raportimeve, shpërthimi nuk ka shkuar sipas planit, duke bërë që një pjesë e strukturës të shembet në drejtim të gabuar dhe të shkaktojë dëme të konsiderueshme në tribunat e stadiumit.

Fatmirësisht, nuk raportohet për persona të lënduar, ndërsa në momentin e incidentit në fushë ndodhej edhe ekipi suedez në stërvitje, i cili vijoi aktivitetin pas ngjarjes pa ndërprerje serioze.

Pamjet nga vendngjarja tregojnë mbetje të shpërndara në zonën e tribunave, ndërsa autoritetet dhe drejtuesit e projektit po hetojnë shkaqet e dështimit të shembjes së kontrolluar.