CARACAS, VENEZUELË – Venezuela është goditur nga dy tërmete të fuqishme brenda pak sekondash, duke shkaktuar viktima, qindra të plagosur dhe dëme të konsiderueshme në disa rajone të vendit. Autoritetet vijojnë operacionet e kërkim-shpëtimit, ndërsa bilanci i tragjedisë pritet të rëndohet në orët në vijim.

Sipas të dhënave të publikuara nga United States Geological Survey, tërmeti i parë me magnitudë 7.2 goditi rreth 160 kilometra në perëndim të Caracas. Vetëm 39 sekonda më vonë, një tjetër lëkundje edhe më e fuqishme, me magnitudë 7.5, tronditi të njëjtën zonë.

Epiqendra u lokalizua pranë Yumare, rreth 23 kilometra në juglindje të qytetit dhe në një thellësi të vogël, çka ka rritur potencialin shkatërrues të lëkundjeve. Raportimet tregojnë se tërmetet janë ndjerë në një pjesë të madhe të territorit venezuelian, si dhe në Bogotá dhe zona të tjera të Kolumbisë.

Ministri i Brendshëm i Venezuelës, Diosdado Cabello, deklaroi se lëkundjet janë ndjerë fuqishëm në disa shtete, përfshirë Trujillo, Yaracuy, Carabobo, Aragua, Miranda, si dhe në kryeqytet.

Autoritetet lokale kanë raportuar shembje ndërtesash, banesash dhe strukturash të tjera në disa zona urbane. Lagjet Palos Grandes dhe Altamira në Caracas konsiderohen ndër më të goditurat, ku ekipet e emergjencës po punojnë për nxjerrjen e personave të bllokuar nën rrënoja.

Në bashkinë Chacao, kryebashkiaku Gustavo Duque bëri të ditur se të paktën dy ndërtesa janë shembur. Sipas tij, janë konfirmuar disa të plagosur dhe viktima, ndërsa numri i saktë i personave që kanë humbur jetën ende nuk është bërë publik.

Pamjet nga zonat e prekura tregojnë ekipe shpëtimi, zjarrfikës dhe forca të mbrojtjes civile duke kërkuar mes rrënojave, ndërsa familjarët e të zhdukurve presin me ankth informacione për të afërmit e tyre.

Ekspertët paralajmërojnë se dëmet mund të jenë shumë më të mëdha nga sa është raportuar deri tani, për shkak të fuqisë së lartë të lëkundjeve dhe afërsisë së epiqendrës me zonat e banuara.

Operacionet e kërkim-shpëtimit vijojnë në disa rajone të Venezuelës, ndërsa autoritetet po vlerësojnë shkallën e plotë të katastrofës dhe po monitorojnë mundësinë e lëkundjeve të tjera pasuese.

The United States Geological Survey (USGS) estimates that thousands could have lost their lives or been severely injured in tonight’s double earthquakes in Venezuela.

The first quake had a magnitude of 7.1 and was swiftly followed by a 7.5 magnitude earthquake. pic.twitter.com/kEg9ZCjFMe

— Visegrád 24 (@visegrad24) June 25, 2026

The absolute terror. Just awful. It's so bad. I think this is the worse quake I've covered.

This was during the M7.1 earthquake hit Venezuela today. pic.twitter.com/L2gH3BUt3S

— Volcaholic 🌋 (@volcaholic1) June 25, 2026

Horrific images coming out of Venezuela tonight pic.twitter.com/4137VO8XAj

— Visegrád 24 (@visegrad24) June 25, 2026